Du Beta Eena Di Minischri—Teech Wi Styoodent Dehn fi Pripyaa

WAI DIS IMPOATANT: Wen wi Baibl styoodent dehn pripyaa, ih eeziya fi dehn andastan ahn memba weh wi di teech dehn. Di moa dehn andastan ahn memba tingz, di kwika dehn wahn mek proagres. Eevn afta dehn geh baptaiz, dehn wahn stil need fi pripyaa fi dehn meetin ahn fi di minischri soh dat dehn ku “aalwayz bee redi.” (Mach 25:13) Wans dehn laan how fi stodi ahn ga wahn gud stodi skejul, dis wahn aalwayz benifit dehn. Soh rait fahn di biginin, wi shuda help wi styoodent dehn fi ga wahn gud stodi habit.

HOW FI DU IT:

• 

  Bee wahn gud egzampl. (Roam 2:21) Wen yu di pripyaa fi yu stodi, tink bowt yu Baibl styoodent. (km-E 11/15 3) Mek ih si dat yoo pripyaa yu stodi kapi

• 

  Inkorij ahn fi pripyaa. Mek ih noa dat fi pripyaa fi ih oan stodi da paat a di Baibl stodi ahn mek ih noa how dis wahn benifit ahn. Giv ahn sohn sojeshan pahn weh ih ku du fi mek taim fi pripyaa. Sohntaim di teecha dehn alow dehn Baibl stodi fi yooz fi dehn persnal kapi a di poblikayshan soh dehn styoodent ku fala lang joorin di stodi. Dis wahn help di styoodent si how ih wahn benifit lat wen ih pripyaa. Komen yu styoodent wen ih pripyaa fi ih oan stodi

• Shoa ahn how fi pripyaa. Eena di biginin, som yooz di hoal stodi seshan fi shoa wahn styoodent how ih ku pripyaa wahn lesn