Memba Weh Hapm tu Lat Waif

Wai Lat waif mi luk bak wen dehn mi-di ron weh fahn Sadam? Di Baibl noh gi wi di ansa. (Ge 19:17, 26) Bot if wi luk gud pahn di waanin weh Jeezas mi giv, wi ku si dat shee maita neva waahn lef bihain aala di mateeryal tingz weh ih mi gat. (Lk 17:31, 32) Weh wi ku du soh dat wee noh bee laik Lat waif ahn looz owt pahn Gaad fayva? Wi shudn mek mateeryal tingz bee wi mayn goal eena laif. (Mach 6:33) Jeezas teech wi dat wi “kyaahn serv Gaad ahn moni sayhn taim.” (Mach 6:24) Bot sopoaz wi staat noatis dat mateeryal tingz di geh moa impoatant dan spirichwal tingz eena wi laif? Wi ku pray tu Jehoava fi wizdom soh wi ku si weh chaynjiz wi need fi mek ahn fi gi wi di korij ahn di schrent fi du it tu.

WACH DI CHREE-PAAT VEEDYO WEH NAYM MEMBA WEH HAPM TU LAT WAIF, AHN DEN ANSA DEHNYA KWESCHAN:

• 

  How di presha fi mek moa moni mi afek di way how Gloarya mi tink, taak, an ak?

• How Lat waif da wahn waanin egzampl fi wee tudeh?

• How Joa an ih famili mi benifit wen dehn mi aplai Baibl prinsiplz eena dehn laif?

• How Ana frenz fahn werk mi afek ahn eena wahn spirichwal way?

• Wai wi need fi ga korij if adaz di presha wi fi put moni fos eena wi laif?

• How Braiyan ahn Gloarya mi put spirichwal tingz fos eena dehn laif agen?

• Wat da sohn Baibl prinsiplz yoo mi si dehn aplai eena dis veedyo?