LIV YU LAIF AZ WAHN KRISTYAN
Wi Shoa Jehoava Dat Wi Lov Ahn Wen Wi Sopoat Ih Disiplin
Wen sombadi geh disfeloship, dis protek di kangrigayshan an ih disiplin di persn weh noh ripent fi di bad tingz weh ih du. (1Ko 5:6, 11) Wi shoa lov tu Jehoava ahn di persn weh geh disfeloship wen wi sopoat dis araynjment. Bot wen sombadi geh disfeloship ih hert evribadi, espeshali kloas famili membaz ahn di eldaz. Soh how wi ku seh dat wee di shoa lov fi adaz wen wi sopoat dis araynjment?
Wi shoa lov fi Jehoava repyutayshan ahn fi hihn standadz wen ih kohn tu weh hoali. (1Pe 1:14-16) Wi aalso shoa lov fi di persn weh mi geh disfeloship. Eevn doa dis disiplin schrang an ih kaaz wahn lata payn, if wi alow it fi chrayn wi, “ih wahn help wi fi liv rait ahn liv eena pees.” (Heeb 12:5, 6, 11) Pahn di ada han, wen wi kip kompni wid sombadi weh disfeloship er wid sombadi weh chooz fi stap bee paat a di kangrigayshan, wi di goh gens Jehoava araynjment. Bot memba dat Jehoava fyaa wen ih disiplin ih peepl. (Jer 30:11) Wi hoap dat wi bradaz ahn sistaz weh geh disfeloship wahn kohn bak tu Jehoava wi Faada weh shoa mersi. Bot til den, wi wahn kantinyu sopoat Jehoava araynjment, ahn wi waahn du evriting weh wi need fi du fi kip wi rilayshanship wid Jehoava schrang.—Isa 1:16-18; 55:7.
WACH DI VEEDYO STAY LAAYAL TU JEHOAVA WID AALA YU HAAT, AHN DEN ANSA DEHNYA KWESCHAN:
How Kristyan payrents feel wen dehn pikni stap serv Jehoava?
How di kangrigayshan ku sopoat di famili membaz weh stay faytful?
Wich Baibl akonk shoa wi dat ih moa impoatant fi bee laayal tu Jehoava dan tu wi famili?
How wi ku shoa dat wi moa laayal tu Jehoava dan tu wi famili membaz?