Jehoava Disiplin Dehn Wan Weh Ih Lov

Wen yu disiplin sombadi, moas a di taim, da fi teech dehn ahn chrayn dehn. Ih ku aalso bee fi karek di persn ahn sohntaim da fi ponish dehn tu. Jehoava disiplin wi soh dat wi ku wership ahn eena wahn way weh pleez ahn. (Ro 12:1; Hee 12:10, 11) Sohntaim ih hert wen wi geh disiplin, bot ih ku help wi ak eena wahn way weh Jehoava pleez wid, ahn hihn wahn bles wi fi dat. (Pr 10:7) Weh sombadi weh gi disiplin, ahn sombadi weh geh disiplin haftu memba?

Di persn weh gi disiplin. Eldaz, payrents, an adaz chrai dehn bes fi fala Jehoava egzampl fi shoa lov wen dehn disiplin sombadi els. (Jer 46:28) Eevn wen wahn persn need fi gi schrang disiplin, ih stil haftu shoa lov.—Tai 1:13.

Di persn weh geh disiplin. Wi noh fi rijek eni kaina disiplin noh mata wehpaat ih kohn fram, ahn wi need fi du wi bes fi aplai it eena wi laif rait away. (Pr 3:11, 12) Wi need disiplin bikaaz wi imperfek, ahn di disiplin weh wi get kom eena difrent wayz. Fi egzampl, wen wi reed wi Baibl ahn wen wi lisn da wi meetin dehn, wi ku geh disiplin. Er sohn taim wahn judishal komiti wuda haftu disiplin sombadi. Wen wi aksep disiplin, ih ku sayv wi laif.—Pr 10:17.

WACH DI VEEDYO “JEHOAVA DISIPLIN DEHN WAN WEH IH LOV,” AHN DEN ANSA DEHNYA KWESCHAN:

• 

  How Canon laif mi stan bifoa, ahn how ih laif mi chaynj?

• 

  Weh lovin disiplin ih mi geh fahn Jehoava?

• 

  Weh wi ku laan fahn Canon ekspeeryens?