Teech Baibl Styoodents fi Feed Dehnself Spirichwali

Fi mek Baibl styoodents geh fi noa Jehoava ahn bee spirichwali machoar, dehn need fi laan moa Baibl chroots dan weh dehn laan pahn dehn stodi. (Ma 5:3; Heeb 5:12–6:2) Dehn aalso need fi laan how fi feed dehnself spirichwali.

Fahn di veri biginin, shoa yu Baibl styoodents how fi pripyaa fi dehn Baibl stodi, an inkorij dehn fi kantinyu du dat. (mwb18.03 6) Inkorij dehn fi pray bifoa dehn staat pripyaa fi dehn stodi. Help dehn fi geh fameelya wid di dijital toolz weh wi yooz fi stodi. Teech dehn how fi kip op-tu-dayt wid tingz weh nyoo pahn jw.org ahn pahn JW Braadkyaastin. Lee bit bai lee bit, teech dehn fi reed di Baibl evri day, fi pripyaa fi di kangrigayshan meetin dehn, ahn fi du risaach an fain di ansaz tu dehn kweschanz. Help dehn fi meditayt pahn weh dehn di laan.

WACH DI VEEDYO WEH NAYM HELP YU BAIBL STYOODENTS FI LAAN HOW FI FEED DEHNSELF SPIRICHWALI, AHN DEN ANSA DEHNYA KWESCHAN:

• 

  How Neeta mi help Jade fi si dat wen ih stodi ih fi du moa dan jos fain ansaz tu di kweschanz?

• 

  Weh mi help Jade fi andastan how Jehoava feel bowt sekshwal imoraliti?

• 

  Weh Jade mi riyalaiz bowt weh ih meen fi meditayt?