Help Yu Baibl Styoodents fi Koltivayt Wahn Persnal Rilayshanship Wid Jehoava

Jehoava waahn mek wi serv ahn bikaaz wi lov ahn. (Ma 22:37, 38) Di lov weh wi Baibl styoodents ga fi Jehoava wahn gi dehn di schrent fi mek chaynjiz eena dehn laif ahn stay faytful wen dehn di fays prablemz. (1Jan 5:3) Di lov weh dehn ga fi Jehoava da weh wahn moov dehn fi geh baptaiz.

Yoo ku help yu Baibl styoodents fi si dat Gaad lov dehn. Yu ku aks dehn kweschanz laik: “Weh dis teech yu bowt Jehoava?” er “How dis shoa yu dat Gaad lov yoo?” Help dehn fi si weh Jehoava di du fi help dehn persnali. (2Ch 16:9) Yu ku shayr wid dehn sohn egzampl a wen Jehoava mi ansa fi yoo pryaaz, an inkorij dehn fi noatis how Jehoava di ansa fi dehn pryaaz. Wi hapi wen wi si dat wi Baibl styoodents shoa dat dehn lov Jehoava ahn dat dehn waahn bee fi hihn fren bikaaz dehn noa dat hihn lov dehn tu.

WACH DI VEEDYO WEH NAYM HELP YU BAIBL STYOODENTS FI KOLTIVAYT WAHN PERSNAL RILAYSHANSHIP WID JEHOAVA, AHN DEN ANSA DEHNYA KWESCHAN:

• 

  Weh prablem Jade mi-di goh chroo?

• 

  How Neeta mi help Jade?

• 

  Weh mi help Jade fi deel wid ih prablem?