Yoo Ku Help Yu Famili Bee Hapiya

Jehoava waahn mek evri famili bee hapi. (Ps 127:3-5; Ec 9:9; 11:9) Bot wi noh wahn hapi aal di taim, bikaaz di werl schres wi owt ahn sohntaim wi famili membaz mait mek mistayk. How eech famili memba ku help ih famili bee hapi?

Wahn hozban need fi aalwayz chreet ih waif wid rispek. (1Pe 3:7) Hihn fi spen taim wid ahn. Hihn noh fi ekspek tu moch fahn ih waif an ih fi shoa dat ih tankful fi evriting weh shee du fi hihn ahn di famili. (Kol 3:15) Hihn fi shoa ahn humoch ih lov ahn an ih fi prayz ahn fi weh ih du.—Pr 31:28, 31.

Wahn waif ku luk fi difrent wayz fi sopoat ih hozban. (Pr 31:12) Shee fi rispek di atariti weh ih hozban gat oava shee ahn werk lang wid ahn. (Kol 3:18) Shee fi taak tu ahn eena wahn kain way, an ih fi taak tu adaz bowt ahn eena wahn gud way. —Pr 31:26.

Payrents fi spen lata taim wid dehn chiljren. (De 6:6, 7) Dehn fi tel dehn chiljren dat dehn lov dehn. (Ma 3:17) Dehn fi shoa wizdom ahn lov wen dehn disiplin dehn pikni.—If 6:4.

Chiljren fi rispek an obay dehn payrents. (Pr 23:22) Dehn need fi taak tu dehn payrents ahn tel dehn how dehn feel ahn weh dehn tink. Dehn need fi bee hombl an aksep disiplin fahn dehn payrents ahn shoa dehn payrents rispek.—Pr 19:20.

WACH DI VEEDYO WEH NAYM KOLTIVAYT JAI EENA YU FAMILI, AHN DEN ANSA DIS KWESCHAN:

• Weh eech famili memba mi du fi help dehn famili bee hapi?