LIV YU LAIF AZ WAHN KRISTYAN

Kapi Jehoava Laayal Lov

Jehoava da di graytis egzampl a laayal lov. (Ps 103:11) Dis kaina lov da noh jos wahn feelin weh kom ahn goh. Laayal lov difrent. Wen sohnbadi shoa laayal lov tu wahn nada persn, da bikaaz dehn faytful, laayal, ahn ga wahn schrang afekshan fi di ada persn weh noh fayd weh. Jehoava mi ga dis kaina lov fi di Izrelaits, ahn hihn mi shoa it eena lata wayz. Hihn mi free dehn fahn slayvri da Eejip ahn leed dehn tu di Pramis Lan. (Ps 105:42-44) Jehoava mi fait fi ih peepl ahn sayv dehn wahn lata taim. An ih mi kip di fergiv dehn wen dehn sin gens ahn. (Ps 107:19, 20) Az wi “tink bowt how Jehoava shoa laayal lov,” dat moov wi fi kapi fi hihn egzampl.—Ps 107:43.

Di picha dehn: Pichaz weh simila tu di veedyo “Tek di Taim fi Tink Bowt How Jehoava Shoa Laayal Lov.” 1. Brada Capra ahn wahn neks brada di vizit wahn sista da ih hows. 2. Brada Capra, weh deh eena wahn prizn wid ada bradaz, di giv food tu wahn sik brada weh deh eena bed.

WACH DI VEEDYO WEH NAYM “TEK DI TAIM FI TINK BOWT HOW JEHOAVA SHOA LAAYAL LOV,” AHN DEN ANSA DEHNYA KWESCHAN:

Eena weh wayz wee ku shoa laayal lov?

Yu ansa
Wai wi haftu mek sakrifais soh dat wi ku shoa laayal lov?

Yu ansa