LIV YU LAIF AZ WAHN KRISTYAN
Shepadz Weh Du Dehn Bes fi Tek Kayr a Jehoava Peepl
Lata peepl noh chros dehn wan eena atariti an ih eezi fi si wai. Hyoomanz fahn way bak eena di paas, an eevn now, yooz dehn powa eena di rang way. (Mic 7:3) Wi hapi dat wi gat eldaz eena di kangrigayshan weh geh chrayn fi yooz dehn atariti fi help Jehoava peepl.—Es 10:3; Ma 20:25, 26.
Eldaz da noh laik peepl eena di werl weh ga powa. Dehn du dehn werk eena di kangrigayshan bikaaz dehn lov Jehoava an ih peepl. (Jan 21:16; 1Pe 5:1-3) Bikaaz di eldaz fala Jeezas dairekshan, dehn help eech poblisha fi feel laik dehn da paat a Jehoava faamli ahn help dehn fi stay kloas tu ahn. Dehn aalwayz wilin fi giv dehn bradaz ahn sistaz inkorijment ahn help dehn weneva wahn medikal imerjensi kom op er wen wahn dizaasta hapm. If yu need help, yu ku taak tu wahn elda eena di kangrigayshan.—Jay 5:14.
WACH DI VEEDYO WEH NAYM SHEPADZ HOO LOV DI FLAK, AHN DEN ANSA DEHNYA KWESCHAN:
How Mariana mi benifit fahn di help weh di eldaz mi giv ahn?
How Elias mi benifit fahn di help weh di eldaz mi giv ahn?
Afta yu wach dis veedyo, how yu feel bowt di werk weh di eldaz du?