Peepl Weh Faytful Kip Dehn Pramis tu Gaad

Reed Jojiz 11:​30-40 fi si weh Jefta an ih daata egzampl teech wi bowt weh ih meenz fi kip wahn pramis.

Andastan di sichuwayshan. How faytful Izrelaits mi feel bowt di pramis dehn weh dehn mek tu Jehoava? (Num. 30:2) How Jefta an ih daata mi shoa dat dehn mi ga fayt eena Jehoava?—Joj. 11:​9-11, 19-24, 36.

Saach fi moa infamayshan. Weh Jefta mi meen wen ih seh, “Wen Ah kohn bak hoam sayf, di persn weh kom owt fi meet mi wahn bee fi yoo, Jehoava. Ahn da persn wahn bee laik wahn bon aafrin”? (w16.04-E 7 ¶12) Weh Jefta an ih daata mi haftu giv op fi kip dehn pramis? (w16.04-E 7-8 ¶14-16) Weh impoatant pramis wee az Kristyanz haftu mek tu Jehoava?—w17.04-E 5-8 ¶10-19.

Weh lesnz wi ku laan fahn Jefta an ih daata? Aks yuself:

• ‘Weh ku help mi kip mi pramis fi serv Jehoava fareva?ʼ (w20.03 13 ¶20)

• ‘Weh Ah ku giv op soh dat Ah ku du moa fi Jehoava?ʼ

• ‘Weh ku help mi fi kip mi pramis tu mi marij mayt an aalwayz bee laayal tu ahn?ʼ