Líderagubadiwa arütíkulu burí le lun gabaroun wamá diisi sügǘ le lunbei lánhingichuni Ubóu yarafa madise. Le furumiñeti seingü sügǘ, luáguti lagumuchagüle ubóu le lábugiñebei lubafu Satanási, leti líbiri sügǘ, luáguti iseri ubóu.

ARÜTÍKULU LÁNINA ATURIAHANI 3

Sun wagía ayumahatiwa lachülürün lagumuchagüle ubóu wuribati le, ayumahatiwa giñe lachülürün Paraísu le füramase láalibei Bungiu. Meberesenga anhein fiúrügügili lubéi hati wau agurabaha o barühadiwa lan saragu irumu agurabaha, ka uagu súdini lubéi gagurabaguadi wamá? Líderagubadiwa arütíkulu le lun wibihini gaguraasuni le wemegeirubei.

ARÜTÍKULU LÁNINA ATURIAHANI 4

Memeniha hanigi sun lumutuniña Heowá harihini lagumuchun ubóu le lábugiñebei lubafu Satanási. Lidan arütíkulu le wakutihabei ka lan buiti wibihibei lídangiñe libidiñen woun kábatima lan weyu luma oura lachülüra lagumuchagüle ubóu.

ARÜTÍKULU LÁNINA ATURIAHANI 5

Súdiniti adamurini lidan áhuduraguni inarüniti lúmagiñe binadu dan. Warihuba fiú hénpulu lánina adamurini mabulieidúaditi le meha adügǘbei lidan tidaani Bíbülia luma le adügǘbei lidan wadaani, ani wáguyuguagüdübei ka lan buiti wibihubei dan le widin lidan.