“Ha ǘnabubei hanaagun houngua, hagíaba laburiña múa”

Saragu wádangiñe, arihaadiwa gürigia buítiña asufurira marichaü luma ouserawagúni. Lachülürüba funa san dan lun úaali lanme marichaü luma wuribani?

Óunaba tumuti Lererun Bungiu álügüdahani le, ariñagatéi woun ida luba lan wóuserun. Teni humá lun óunabagülei le líchugubei Sálumu 37 lun álügüdahani burí súdiniti le:

Ka lunbei wadügüni dan le wouserúniwa wuriba? (bérusu 1 luma 2).
Kaba asusereda houn gürigia wuribatiña? (bérusu 10).
Ida luba habagari gürigia buítiña ámuñegü? (bérusu 11 luma 29).
Ka lunbei wadügüni guentó? (bérusu 34).

Ariñagati dimurei le abürüdǘbei lau lídehan Bungiu lidan Sálumu 37 furangu luagu buídubei lan habagari sun ha hemenigibaña luagu Heowá ani aganba haméi. Híderagubadün gefentiña luagu Heowá lau sun hagundan, aturiahoun Lererun Bungiu lun hasubudiruni ka lan lunbei hadügüni habu sun hiduheñu lun gunda lan hibagari ámuñegü.

Anhein busén hubéi lanwoun ariñahani lun hachoururuni lagunfuliruba lan lani Bungiu füramasei, aturiaha humóun Lererun Bungiu tau garüdia to, Winwan humá lau ugundani lun súnwandan! hadügün gefentiña luagu Heowá. Anuhein giñe lidan www.jw.org/cab.