Buídugiru san?

Buiti hamuga wadügüni álügüdahani le wóuniwagua, lubaragiñe wapurichihan tau somu agumeiraguagüdüni. Anhein gádeiharu lubéi, féridi taali tikolorun, wíyeeru o heiriguaru, tǘnabudagüdübei lubuidun uganu lánina asalbaruni le tídanbei ani tíchuguba luriban iri lun lani Heowá óundaruni.

Ida luba wóunigirunu luéi tagadeirun? Ibihaaña saragu íbirigu buiti resultóu lau hapakühanu según tiseisin tidan hamaletín. Aban hénpulu, ígiratiña aban ubaraü tubá líburu, amu tubá garüdia, amu tubá tirahüñü garüdia, ítareina. Lárigiñe hadimurehan luma kada gürigia, góunigi hamuti ligaburi hádarunu Bíbülia tuma agumeiraguagüdüni tárigoun tidoun maletín. Añahein íbirigu areida hamutu tidan aban tuwuyeri tagei garüdia. Meberesenga ida liña lan wóunigirunu agumeiraguagüdüni to wíchuguboun houn gürigia, súdiniti lun míchugun tan lébuna ladimurehóun wuriba luagu wadagimanu lánina apurichihani (2 Ko. 6:3).