Awisahani

◼ Agumeiraguagüdüni to lunboun lapurichihóun tau lidan nefu-hati luma diisi-hati: Garüdia Atalaya tuma ¡Despertad! Danme le hidin bisidaña gürigia ámuya wéiyaasu ígira humóun líburu Kátima san, o según le hemegeirubei gürigia ígira humóun garüdia Aganba huméi Bungiu o Aganba huméi Bungiu ábame hawinwandun lun súnwandan ani áfaagua humá lun hagumeserun aban aturiahani tídangiñeti Bíbülia. Unsu-hati luma duusu-hati: Yusu humá aban tídangiñe tratadu burí to: Gunda humá lau hibagari lidan aban kei familia, Hínsiñeti hamuga san hun hasubudiruni inarüni? Yarafaali dan lun lagumuchun asufuriruni. Anhein arufuda gürigia busén lan lasigirun afurendeira, arufuda huméi lun ida liña lan lichugún aban aturiahani tídangiñeti Bíbülia tau líburu Kátima san o tau garüdia Aganba huméi Bungiu o Aganba huméi Bungiu ábame hawinwandun lun súnwandan.

◼ Yanu espechaliti le lunbei lichugún lidan lidaani Aritaguagülei lidan irumu 2013 lichugúba lidan dimaasu le lánina 1 lidan gádürü-hati. Liridúba liri yanu ligía lidan amu adamuridaguni. Damuriguaü burí le lunbei gani hamá adamurini o bisida lani óunigiruti sirkuitu lidan dimaasu ligía, ábame hígiruni yanu espechaliti lubá aban dimaasu lárigiñe. Michugúnwabei yanu le lidan ni aban damuriguaü lubaragiñe 1 lidan gádürü-hati.