Le gayarabei wariñaguni tuagu garüdia

Gumese wamá aturiahani tídangiñe Bíbülia lidan furumiñeti samudi lidan diisi-hati

“Gíbetiña gürigia ariñagutiña lachülürüba lan aban weyu lun laguseragüdüniña Bungiu luagu katei le adüga hamaalibei. Lunti funa san wagurabahani luéyuri aguseruni ligía lau ugundani o lau anufudei? Ka hisaminanbei? [Ígira humá lun hóunabun gürigia.] Ariha huméi le tariñagubei garüdia to.” Ru humá aban Garüdia Atalaya to lánina 1 lidan diisi-hati houn ani akutiha huméi furumiñeti puntu le lídanbei páhina 16 hama. Aliiha humá íbini aban lídangiñe bérusu burí le ñeinbei. Ígira humóun garüdia ani ariñaga humá houn hagiribuduba lan amu weyu lun hakutihani lóunabagüle álügüdahani le asigirubei.

Garüdia Atalaya 1 lidan diisi-hati

“Lidan saragu ageiraü ubouagu, barüwatiña würiña kamá mebegitiña ni kata ani wuribati houserúniwa. Híruti susere lan katei le libe-agei dan ladüga somu afiñeni le lídangiñeti relihión. Afiñetün san berese lan Bungiu hau würiña? [Ígira humá lun hóunabun gürigia.] Ariha huméi ida liña lan tarufuduni Bíbülia ida luba lan hóuseruniña wügüriña würiña [aliiha huméi Éfesuna 5:28, 29]. Arufuda tumuti garüdia to weiri lan hebegi würiña lun Bungiu.”

¡Despertad! Diisi-hati

“Hibe-agei agübürigu busentiña haturiagüdüniña hasaanigu tidan luban furendei to buitu. Afiñetün san dan le lan háfuridun nibureintiña leskuelarugugiñe aranseeña lan lun ibagari? [Ígira humá lun hóunabun gürigia.] Hínsiñeti hamuga nun narufuduni hun ka lan tariñagubei Bíbülia luagu lisudinin libihín subudi luma lichú aau [aliiha huméi Apurichihati 7:12]. Tidan garüdia to akutihóuati seingü katei le gayarabei líderaguniña nibureintiña lun buidu lan lidin houn leskuelarugu.”