Le gayarabei wariñaguni tuagu garüdia

Lun lagumeserún aturiahani tídangiñeti Bíbülia lidan furumiñeti samudi lidan diisi-hati

“Lidan dan hénrenguti le, sun wagía wagagibudaguña luma turóbuli le íchuguti idiheri houn iduheñu. Según hisaminan, halíaba san wadarira adundehani le chóuruti, ani gayarati lagundaaragüdüni wabagari hama waduheñu?” Ígira humá lun lóunabun. Ru humoun La Atalaya lánina 1 lidan diisi-hati lun, ábameti haliihan ani akutiha humeime ariñahani le lábugiñebei aban lídangiñe subtítulu le lídanbei páhina 16 luma 17, ani aliiha humá íbini aban bérusu. Ígira humoun garüdia luma, ani adüga hugíame aransehani lun hagiribudun lun hakutihan amu álügüdahani.

Garüdia Atalaya 1 lidan diisi-hati

Arufuda huméi tidáü garüdia, ani álügüdaha humá: “Ida liña hamuga san hasandiragun hungua, ánhadün íchiga fe luagu yeedawaadün lan luagu Bungiu? [Ígira humá lun lóunabun.] Ariha huméi le lariñagubei Hesusu luagu ida luba lan wasubudiruni inarüni lumoun iyeeni [aliiha huméi Huan 17:17]. Ligíati Bíbülia, tuguyarügüñoun ariñagei inarüni woun luagu Bungiu. Akutihatu garüdia to, seingü katei le ariñawagúbei luagu Bungiu, ani arufuda tumuti Bíbülia iyeeni lan”.

¡Despertad! Diisi-hati

“Wadügüña aban eseriwiduni houn iduheñu. Según hisaminan, ka burí turóbuli úmabei hagagibudagua agübürigu uguñe weyu? [Ígira humá lun lóunabun.] Saragu agübürigu áluaha hamuti adundehani le tíchugubei Bíbülia. Aban hénpulu, ídehati dimurei burí le, dan le hererehan agübürigu houn hasaanigu [aliiha huméi Éfesuna 4:31]. Arufuda tumuti garüdia to, gayara lan líderaguniña eweridihani le tídanbei Bíbülia agübürigu, lúmagiñe ñǘbürigiña hasaanigu darí haweinamudun.”