Le gayaraabei wariñaguni tuagu garüdia

Gumese wamá aturiahani tídangiñe Bíbülia furumiñeti samudi lidan diisi-hati

“Wabisidahañanu gürigia murusun oura lun wadimurehan hama luagu aban arúeihani buiti. Afiñetün san ñeinbei lan somu arúeihani gabafuti lun lagidaruni lanarime burí turobuli le ubouagubei kéiburi áfarahani luma marichaü?” Ígira humá lun lóunabun gürigia. Haritaguagüda huméi lun arufudaha lan meha Hesusu aban furíei houn lani disipulugu le ídanbei lariñaga houn lun hamuriahan aban arúeihani ítarati, Larúeihan Bungiu. Ábameti harufuduni arütíkulu le tanagangiñebei Garüdia Atalaya to lánina 1 lidan diisi-hati lun ani akutiha huméi ariñahani le lábugiñebei furumiñeti álügüdahani ani aliiha humá íbini ábanrügü lídangiñe bérusu le ñeinbei. Ígira humóun garüdia lun ani ariñaga humá hagiribuduba lan lun hakutihani álügüdahani le asigirubei.

Garüdia Atalaya 1 lidan diisi-hati

“Wayanuhaña hama gürigia murusun oura luagu aban furíei subudiwati le meha larufudahabei Hesusu houn lani disipulugu [aliiha huméi Matéu 6:9, 10.] Afuranguagüdawañahaali san hun katei lan Larúeihanbei Bungiu luma ka lan uéigiñe weiri lubéi meha larufudahan Hesusu luagu? [Ígira humá lun lóunabun gürigia.] Arufuda tumuti garüdia to ka lan tariñagubei Bíbülia luagu Larúeihan Bungiu, arufuda tuguya fiu lídangiñe lubuidun burí katei le lunbei lanügüni Arúeihani le ubouagun.”

¡Despertad! Diisi-hati

“Wabisidahañanu gürigia murusun oura lun wíderaguniña adarira óunabagülei lun burí álügüdahani le [arufuda huméi tidáü garüdia ¡Despertad! lun.] Afiñetün san mosu lan risi lan aban gürigia lun buídubei lan lidin lun lidan libagari? [Ígira humá lun lóunabun gürigia.] Íderagua tumutiwa Bíbülia arihei umegeguni keisi lubudubu [aliiha huméi Lúkasi 12:15.] Según tariñaguni Bíbülia, gayaraati libihin furumiñeguarügü gürigia lun buidu lan lidin lun lidan libagari. Afuranguagüda tumuti garüdia to katei le.”