Le gayarabei wariñaguni tuagu garüdia

Gumese wamá aturiahani tídangiñe Bíbülia furumiñeti samudi lidan diisi-hati

“Gíbeeña besinagu ariñagutiña woun lounwen lan aban iduhei ábanbei lídangiñe katei le hénrengutimabei houn lidan habagari. Ligiaméme giñe san hasandirubei? [Ígira humá lun lóunabun gürigia.] Íderagua lumutina le ariñawagúbei ya.” Arufuda huméi arütíkulu le tanagangiñebei Garüdia Atalaya to lánina 1 lidan diisi-hati lun ani akutiha huméi ariñahani le lábugiñebei furumiñeti álügüdahani, akutiha huguyame íbinirügü aban bérusu tídangiñeti Bíbülia le ñeinbei. Ígira humóun garüdia ani adüga humá aransehani lun hagiribudun amu weyu lun hakutihani lóunabagüle álügüdahani le asigirubei.

Garüdia Atalaya 1 lidan diisi-hati

“Wabisidahañanu gürigia murusunraü oura lun wínchahaniña lun haliihanu Bíbülia. Añahein saragu gürigia hínsiñeti houn lun haliihanu, ani añahein amu mínsiñeti houn. Angiati hun? [Ígira humá lun lóunabun gürigia.] Ariha huméi le tariñagubei Bíbülia [aliiha huméi 1 Tesalónikana 2:13]. Anhein inarüni lubéi Lererun lan Bungiu Bíbülia, ma buídubei hamuga lun waliihanu? Afuranguagüda tumuti garüdia to lidan fiú dimurei ka lan uagu tayanuha Bíbülia luma ka lan uagu lunti lubéi busén wamá waliihanu.”

¡Despertad! Diisi-hati

“Gayarati funa san gunda wamá íbini murusunrügüñein lan wámati? [Ígira humá lun lóunabun gürigia.] Ariha huméi le tariñagubei Bíbülia [aliiha huméi 1 Timotéu 6:8]. Afuranguagüda tumuti garüdia to ida luba lan warihini katei le keisi lubudubu ani adimurehatu luagu ǘrüwa katei gebegiti le lásiñarubei seinsu agañeiha.”