Le gayarabei wariñaguni tuagu garüdia

Gumese wamá aturiahani tídangiñeti Bíbülia lidan furumiñeti samudi lidan seingü-hati

“Wayanuhaña hama gürigia luagu aban katei le adügüti lun wasaminarun. [Arufuda huméi arütíkulu le tanagangiñebei Garüdia Atalaya to lánina 1 lidan seingü-hati lun.] Ka hasaminarubei luagu katei le?” Ígira humá lun lóunabun gürigia. Akutiha huméi ariñahani le lábugiñebei furumiñeti álügüdahani luma ani aliiha humá íbinirügü aban lídangiñe bérusu le ñeinbei. Ígira humóun garüdia lun ani ariñaga humá hagiribuduba lan lun hakutihani le aban álügüdahani.

Garüdia Atalaya 1 lidan seingü-hati

“Busentiña hiibe-agei gürigia hasubudiruni kaba lan asusereda ámuñegü. Ka hasaminarubei luagu dan le úagilibei? Adügati san lun hasandirun ichouruni o idiheri? [Ígira humá lun lóunabun gürigia. Lárigiñe, aliiha humá aban lídangiñe bérusu le lídanbei rekuáduru “Le lasubudiragüdübei Bungiu luagu ámuñegü.”] Afuranguagüdatu garüdia to fiu katei lídangiñe katei le lariñagubei Bungiu lasusereduba lan luma ka lan uagu gayara lubéi wachoururuni luagu ítara luba lan.”

¡Despertad! Seingü-hati

“Wayanuhaña murusunraü hama gürigia libügürü ida luba lan wárügüdagun woungua dan le mederaguagüdün wamá o ménrengun lan wagañidun ladüga gibe lan katei lun wachügü. Ariha humuti san mederaguagüdüntimahali lan hachügü gürigia uguñe weyu ani gañi gáñitimahaña? [Ígira humá lun lóunabun gürigia] Íderaguaaru Bíbülia saragu gürigia lun hárügüdagun houngua dan le mederaguagüdün hamá o ménrengun lan hagañidun. Narufuda aban hénpulu hun. [Aliiha huméi Matéu 6:34.] Tidan garüdia to, dariwati adundehani tídangiñeti Bíbülia le lunbei líderaguniwa agagibudagua luma gádürü lébuna mederaguagüdün lan hachügü gürigia o ménrengun lan hagañidun”.

Abürüdǘni: Másiñati busén habóun lan gürigia ha laburiña bísinisi garüdia to.