Le gayaraabei wariñaguni tuagu garüdia

Gumese wamá aturiahani tídangiñe Bíbülia furumiñeti samudi lidan sisi-hati

“Wabisidahañanu gürigia murusun oura lun wakutihani álügüdahani súdiniti le hama. [Arufuda huméi álügüdahani le lídanbei lagumuhóun arütíkulu le tuágubei Garüdia Atalaya to lánina 1 lidan sisi-hati lun.] Ka hasaminarubei luagu álügüdahani le?” Ígira humá lun lóunabun gürigia. Akutiha huméi ariñahani le lábugiñebei furumiñeti álügüdahani luma ani aliiha humá íbinirügü aban lídangiñe bérusu le ñeinbei. Ígira humóun garüdia lun ani ariñaga humá hagiribuduba lan lun hakutihani álügüdahani le asigirubei.

Garüdia Atalaya 1 lidan sisi-hati

“Adügati agumulahani lun hóunwegun kéiburi sisi-míñunu gürigia sagü irumu. Ka funa san gayaraabei ladügǘniwa lun lararamun turobuli le? [Ígira humá lun lóunabun gürigia.] Ibihaaña saragu gürigia ídemuei lun hígiruni agumulahani sunsuinagubei o lun méiguadungubei hamá lidoun bisiu le lárigiñe hakutihani ka lan lasaminarubei Bungiu luagu. Ariha wamá aban hénpulu, añaheinhaña gürigia líderagun bérusu le lun hasaminarun luagun dañu le ladügübei hagumulahan houn amu. [Aliiha huméi 1 Korintuna 10:24.] Afuranguagüda tumuti garüdia to gayara lan línchahaniña hasubudiruni gürigia lisaminan Bungiu luagu agumulahani lun hígiruni bisiu le.”

¡Despertad! Sisi-hati

“Adügaali saragu páhina lidan Internet lun gíbetima hamá nege hamadagu gürigia sügǘ lau lidan amu dan. Ka funa san igaburi súdinitimabei lun lasubudirúniwa katei lan ábanbei umadaü inarüniti? Ka hasaminarubei? [Ígira humá lun lóunabun gürigia.] Ariha humá aban lídangiñe eweridihani le tíchugubei Bíbülia ya, le gayaraabei lahuudun houn umadagu. [Aliiha huméi Santiagu 1:19.] Tidan garüdia to akutihóuati gádürü adundehani tídangiñeti Bíbülia le gayaraabei líderaguniwa lun hádangiñe wamá hawuyeri gürigia ha habusenrubaña amu hamadagume.”