Le gayarabei wariñaguni tuagu garüdia

Gumese wamá aturiahani tídangiñe Bíbülia furumiñeti samudi lidan sisi-hati

“Íbini sun lan gürigia busentiña lun ñein lan darangilaü, anihein wuribu lidan sun fulasu. Según hisaminan, ka funa san uagu hénrengu lubéi libihín darangilaü?” Lárigiñeme hóunabun gürigia, arufuda huméi arütíkulu le lídanbei lagumuhóun páhina tidan Garüdia Atalaya to lánina 1 lidan sisi hati, ani akutiha huméi ariñahani le óunabubalin furumiñeti álügüdahani luma íbini aban lídangiñe bérusu burí le ñeinbei. Ígira humóun garüdia houn ani ariñaga humá hagiribuduba lan lun hakutihani álügüdahani le asigirubei.

Lunti ladügǘn demostrasión le lidan adamuridaguni lubá apurichihani le lánina 1 lidan sisi-hati.

Garüdia Atalaya 1 lidan sisi-hati

“Uguñe hínsiñeti hamuga woun wayanuhan murusun oura huma luagu aban turóbuli kamaniti. Hibe-agei gürigia súfurihadiwa ladüga hasaminarun amu wuriba wawagu. Afiñetün san anihein lan somu fulasu ubouagu le ñein lubéi ua lan turóbuli le? [Ígira humá lun hóunabun gürigia.] Buiti wasubudiruni ua lan himei lan Bungiu aban gürigia luéi aban [aliiha huméi Adügaü 10:34]. Afuranguagüda tumuti garüdia to le lunbei ladügüni Bungiu lun lagumuchun lau igaburi le sunsuinagubei.”

¡Despertad! Sisi-hati

“Ma súngubei wagía busentiwa aban ibagari buítimati? Gama lumoun, busentina nálügüdünün: afiñetün san waranserubei lan turóbuli le lau wagañeinhan lanwoun wemegen? [Ígira humá lun hóunabun gürigia.] Lunti ladügün lererun Hesusu le lun wasaminarun [aliiha huméi Lúkasi 12:15]. Rutu garüdia to aban saminaü úaraguatimati woun luagu umegeguni ani rutu adundehani woun lun magastarun wamá saragu.”