Le gayarabei wariñaguni tuagu garüdia

Gumese wamá aturiahani tídangiñe Bíbülia lidan furumiñeti samudi lidan sisi-hati

“Afiñetün san ínchaha lániña relihión gürigia lun hínsiñegua hamá houngua luma lun hawinwandun lidan darangilaü hámagua odi ínchaha lumutiña lidoun iyereehabúni luma anarimeni? [Ígira humá lun lóunabun gürigia.] Ígira humana narufudun aban katei súdiniti hun.” Ru humóun Garüdia Atalaya to lánina 1 lidan sisi-hati lun, ábame hakutihani ariñahani le lábugiñebei furumiñeti subtítulu lidan páhina 26. Aliiha humá íbini aban lídangiñe bérusu burí le ñeinbei lun. Ariñaga humá lun hagiribuduba lan lun hakutihani le aban álügüdahani.

Garüdia Atalaya 1 lidan sisi-hati

“Gíbetiña gürigia afiñetiña buidu lan hádaragun lílana relihión houngua lidoun polítika, gama lumoun añahein amu afiñetiña moun lumuti lan lamigisirúniwa relihión luma polítika. Agia huguya, ka hisaminanbei? [Ígira humá lun lóunabun gürigia.] Ariha huméi le ladügübei Hesusu dan le hálugunbei gürigia hádaruni lidoun katei lánina polítika [aliiha huméi Huan 6:15]. Afuranguagüda tumuti garüdia to ka lan uagu lóuserunbei Hesusu ítara, ani ariñaga tumuti giñe ka lan lunbei hadügüni kristiánugu hawagu lílana hageira.”

¡Despertad! Sisi-hati

“Sagü irumu, sánditiña míñunu gürigia ladüga heigin éigini le wíyeti. Afiñetün san chouru lan éigini le wéigibei? [Ígira humá lun lóunabun gürigia.] Arufudatu garüdia to gádürü manera lun wóunigiruniña waduheñu luéi sandi le ñǘbuinbei lidan éigini. Akutiha tumuti giñe füramasei le tídanbei Bíbülia luagu ñeinbei lan saragu éigini le madügünti dañu yarafa madise.” Aliiha huméi Sálumu 104:14, 15.