Le gayarabei wariñaguni tuagu garüdia

Gumese wamá aturiahani tídangiñeti Bíbülia lidan furumiñeti samudi lidan gádürü-hati

“Sun wagía gúndaatiwa dan le weresibirun aban idewesei lúmagiñe aban waduhe. Inarüni luagu hínsiñe wamá lun Bungiu ani rúhali saragu katei woun. Ka funa san lídangiñe idewesei le ru láalibei woun súdinitimabei?” Ígira humá lun lóunabun gürigia ani teinki huméi luagu lóunabun. Akutiha huméi Matéu 20:28 lun harufuduni lun lebegi lan asalbaruni o lani Liráü Bungiu sákürifisiu, ligía idewesei gebegitimati le weresibirubei. Arufuda huméi lun afuranguagüda tani líburu Kátima san lidan kapítulu 5 ka lan mini lubéi lebegi asalbaruni. Ígira humoun líburu lun ani ariñaga humá hagiribuduba lan amu weyu.

Garüdia Atalaya 1 lidan gádürü-hati

“Gíbeti katei ariñawagúti luagu Hesusu. Añahein saminatiña ligía lan meha Mesíasi le füramasewabei, híbiri saminatiña ábanrügü lan meha wügüri areidati ligía, añahein ariñagutiña iyeeni lan winwan lan Hesusu ubouagu. Ka hisaminanbei? [Ígira humá lun lóunabun gürigia.] Según Bíbülia, súdiniti wasubudiruni inarüni luagu Hesusu [aliiha huméi Huan 17:3]. Arufuda tumuti garüdia to óunabagülei le tíchugubei Lererun Bungiu lun fiú lídangiñe álügüdahani le hadügübei gürigia luagu Hesusu.”

¡Despertad! Gádürü-hati

“Wabisidahañanu gürigia lun wíderaguniña. Ma inarüni anihein lan burí lénrengunga hadan saragu familia uguñe weyu? [Ígira humá lun hóunabun gürigia.] Busentina narufuduni hun halíaba lan gayara lan wadarirun adundehani le huuti [aliiha huméi Sálumu 119:105]. Tadimurehaña garüdia to luagu ida liña lan líderaguniña adundehani le tídanbei Bíbülia gürigia maríeitiña ha agüriahabaliña lisaanigu aban hádangiñe.”