Le gayarabei wariñaguni tuagu garüdia

Gumese wamá aturiahani tídangiñe Bíbülia lidan furumiñeti samudi lidan eneru

“Hínsiñeti hamuga woun wadügün aban álügüdahani hun: subuditi san hun ka lan líribei Bungiu? [Ígira humá lun lóunabun gürigia.] Ariha huméi le bürüwañubei ya.” Arufuda huméi arütíkulu le lídanbei lagumuhóun páhina tidan Garüdia Atalaya to lánina 1 lidan eneru lun ani akutiha huméi ariñahani le lídanbei furumiñeti puntu luma ani aliiha humá íbini aban lídangiñe bérusu burí le ñeinbei. Ígira humóun garüdia lun ani ariñaga humá lun hagiribuduba lan amu weyu lun hakutihani lóunabagüle álügüdahani le asigirubei.

Garüdia Atalaya 1 lidan eneru

“Uguñe weyu wéiritimarügaali hadimurehan gürigia luagu lagumuchagüle ubóu, ani adügati katei le lun hanufudedagun saragu gürigia. Ka hisaminanbei libügürü katei le? [Ígira humá lun hóunabun gürigia.] Adimurehatu Bíbülia luagu lagumuchagüle ubóu, gama lumoun ariñagatu ñéinbaña lan erederutiña wínwanñu [aliiha huméi 1 Huan 2:17]. Óunabatu garüdia to gádürü álügüdahani le burí hadügübei gürigia hóuniwagua libügürü lagumuchagüle ubóu.”

¡Despertad! Eneru

“Wabisidahañanu gürigia ladüga wídehaña lan lidan aban wadagimanu le anügübei buiti houn gürigia ha aganóubaña lidan fulasu le. Afiñetün san súdini lan hafurendeirun lílana familia óusera úaragu luma dimurei burí le lariñagubei Hesusu lidan bérusu le? [Aliiha huméi Adügaü 20:35b ani ígira humá lun hóunabun gürigia.] Lidan ubóu le ídanbei hawouguarügüñein lan gürigia hasaminara, güreweiti larufudahóuniwa houn isaanigu lun inebehabu hamá. Lidan arütíkulu le, anihein adundehani huuti le gayarati líderaguniña agübürigu.”