Le gayarabei wariñagun tuagu garüdia

Gumese wamá aturiahani tídangiñeti Bíbülia lidan furumiñeti samudi lidan eneru

“Añahein saminatiña gayara lan lafiñerúniwa luagu profesía le tídanbei Bíbülia, gama lumoun añahein ariñagutiña buin tiña lan lau ariñahani le machourunti le gayarabei gunfurandawa lan lidan ámuñegueinarügü manera. Agia hugía ka hasaminarubei?” Ígira humá lun lóunabun. Ñéingiñeme arufuda humá aban garüdia La Atalaya to lánina 1 lidan eneru, akutiha huméi ariñahani le lábugiñebei furumiñeti subtítulu lidan páhina 16 úara luma ani aliiha huméi íbini aban lídangiñe bérusu. Ígira humoun garüdia lun, ani adüga humá aransehani lun hagiribudun lun hakutihani le aban álügüdahani.

Garüdia Atalaya 1 lidan eneru

“Gíbeti katei gayarati wafurendeirun hámagiñe wügüriña hama würiña ha awinwandubaña lidan dan le sügühalibei, adián? [Ígira humá lun lóunanabun.] Lidan bérusu le ayanuhóuwati luagu aban wügüri le wéiribei lisudinin. Luágurügüñein tariñaga Bíbülia “lumada Bungiu” [aliiha huméi Santiagu 2:23]. Tidan garüdia to ariñawagúati woun ka lan uagu larihei Bungiu Abüráamu keisi lumada ani ka lan gayarabei wafurendeirun lídangiñe lubuidun hénpulu le líchugubei.”

¡Despertad! Eneru

“Eyeraaguni, íweruhani luma haranaü sun burí turóbuli le weiriburiti uguñe weyu lidan bísinisi. Darí lun añahein lan gürigia asaminarutiña le lan uabei harana lan mídinbei lan lun buidu. Agia hugía ka hasaminarubei? [ígira humá lun lóunabun.] Ariha huméi lubuidun ariñahani le lídanbei bérusu le [aliiha huméi Ariñawagúni 20:17]. Afuranguagüda tumuti garüdia to ka lan buiti lanügübei úaragua wamá.”