Le gayarabei wariñaguni tuagu garüdia

Gumese wamá aturiahani tídangiñe Bíbülia lidan furumiñeti samudi lidan sedü-hati

Aliiha huméi Isaíasi 42:8, NM, ábame hariñagun: “Según bérusu le, gíriti Bungiu. Afiñetün san súdini lan wayusuruni liri Bungiu? [ĺgira humá lun lóunabun gürigia.] Ariha huméi le tariñagubei garüdia to”. Sagá humoun Garüdia Atalaya to lánina 1 lidan sedü-hati, ábame hakutihani ariñahani le lídanbei furumiñeti subtítulu lidan páhina 10. Ru humóun garüdia lun ani ariñaga humá lun hagiribuduba lan lun hóunabuni le aban álügüdahani.

Garüdia Atalaya 1 lidan sedü-hati

“Hínsiñeti hamuga nun nasubudiruni ka lan hisaminanbei luagu aban katei súdiniti [arufuda humoun lísüta to lídanboun páhina 3 lun]. Kaba hamuga lídangiñe katei le tarufudubei Bíbülia ya hadüga? [ĺgira humá lun hóunabun gürigia.] Ariha huméi le tariñagubei Bíbülia ya [aliiha huméi Rómana 15:4]. Tidan garüdia to akutihóuati seingü katei le adügübei lun siñá lan konpararua tan Bíbülia tuma amu líburu ani ariñaga tumuti woun ida luba lan wasagarun buiti tídangiñe Bíbülia.”

¡Despertad! Sedü-hati

“Lun hamuga gayara lan hasansirun somu katei lidan ubóu le, kaba hamuga hasansira? [ĺgira humá lun hóunabun gürigia.] Arufuda tumuti Bíbülia ka lan uagu siñá lubéi hadügüni gürigia sun le habusenrubei íbini háfaagun luagu [aliiha huméi Heremíasi 10:23.] Ariñaga tumuti garüdia to woun ka lan labusenrubei Bungiu lasansirun.”