Le gayarabei wariñaguni tuagu garüdia

Gumese wamá aturiahani tídangiñe Bíbülia lidan furumiñeti samudi lidan seingü-hati

“Besafu gürigia efeduha hamuti nasirua lan Hesusu, adian? Súdiniti funa giñe san waritaguni lounwen?” Ígira humá lun lóunabun gürigia. Ru humóun Garüdia Atalaya to lánina 1 lidan seingü-hati lun, ábame hakutihani ariñahani le lábugiñebei furumiñeti subtítulu lidan páhina 10. Aliiha humá íbini aban lídangiñe bérusu burí le ñeinbei lun. Ariñaga humá lun hagiribuduba lan lun hakutihani le aban álügüdahani.

Garüdia Atalaya 1 lidan seingü-hati

“Anuhein bandi ligilisi luma relihión lau ámuñegueinarügü arufudahani luma échuni. Saminatün san kristiánugu hamá inarünitiña sun ha ariñagubaña hawougua kristiánugu hamá? [Ígira humá lun hóunabun gürigia.] Ariñaga lumuti Hesukrístu ida luba lan hasubudirúniwa kristiánugu inarünitiña [aliiha huméi Huan 13:34, 35]. Tidan garüdia to, akutihóuati gádürü katei le meha lariñagubei Hesusu lun líderaguniwa asubudiraña kristiánugu inarünitiña.”

¡Despertad! Seingü-hati

“Hibe-agei gürigia ubouagu súfurihaña somu marichaü. Anihein funa san somu katei le gayarabei lagumuchun lau marichaü? [Ígira humá lun lóunabun gürigia.] Ígira humá lun naliihan aban profesía hun luáguti aban gumadimati le lunbei lagumuchun lau marichaü [aliiha huméi Sálumu 72:11-14]. Ayanuhatu garüdia to luagu füramasei burí le tídanbei Bíbülia luagu aban dan le lunbei ñein lan irichaü.”