Le gayarabei wariñaguni tuagu garüdia

Gumese wamá aturiahani tídangiñe Bíbülia furumiñeti samudi lidan sedü-hati

“Ka funa san lasaminarubei Bungiu luagu furíei le wadügübei lun? Bereseti funa san lau odi aganbarügü lumuti ani ñéinrügaali lébeda?” Ígira humá lun lóunabun gürigia. Ábameti harufuduni arütíkulu le tanagangiñebei Garüdia Atalaya to lánina 1 lidan sedü-hati lun ani akutiha huméi ariñahani le lábugiñebei furumiñeti álügüdahani ani aliiha humá íbinirügü aban lídangiñe bérusu le ñeinbei. Ígira humóun garüdia lun ani ariñaga humá hagiribuduba lan lun hakutihani álügüdahani le asigirubei.

Garüdia Atalaya 1 lidan sedü-hati

“Kei suntigabafu lubéi Bungiu, afiñetün san ligía lan gadurunbei luagu sun katei wuribati le asuseredubei ubouagu? [Ígira humá lun lóunabun gürigia. Lárigiñe, aliiha huméi Santiagu 1:13.] Afuranguagüda tumuti garüdia to ka lan uagu lasusereda katei wuribati luma kaba lan ladüga Bungiu lun lagumuchun lau wuribani luma asufuriruni.”

¡Despertad! Sedü-hati

“Súngubei wagía, chülüti dan lun wagagibudagun luma somu lamiselu, kéiburi aban sandi wéiriti, lounwen aban waduhe o ladüga somu hárabaganali, herigini o katei líbeina lira. Gayaraati funa san warufudun aban lubuidun igaburi anhein asusereda aban katei ítarati? Ka hasaminarubei? [Ígira humá lun lóunabun gürigia.] Gíbeeña gürigia tíderagun Bíbülia agagibudagua luma burí lamiselu le [aliiha huméi Rómana 15:4]. Afuranguagüda tumuti garüdia to ida liña lan tídehan Bíbülia lidan burí sügǘ ítarati.”