Le gayarabei wariñaguni tuagu garüdia

Gumese wamá aturiahani tídangiñe Bíbülia furumiñeti samudi lidan eneru

“Ámuñegueinarügüti hasaminan saragu gürigia luagu Bungiu. Añahein saminatiña aban lan erei le ibidiñewati halíagiñeti lan. Añahein amu saminatiña aban lan úguchili hínsiñehabuti. Angia huguya, ka hasaminarubei luagu Bungiu?” Ígira humá lun lóunabun gürigia. Lárigiñe, arufuda huméi lagumuhóun páhina le tídanbei Garüdia Atalaya to lánina 1 lidan eneru lun ani akutiha huméi ariñahani le lábugiñebei furumiñeti álügüdahani ani aliiha humá íbini aban lídangiñe bérusu le ñeinbei. Ígira humóun garüdia lun ani ariñaga humá hagiribuduba lan lun hakutihani álügüdahani le asigirubei.

Garüdia Atalaya 1 lidan eneru

“Wayanuhaña hama wabesinanigu luagu aban katei le barüti saragu igarigu woun: wayanuhaña luagu óunweni. Gayarati lariñawagún lounwen lan somu waduhe ábanbei lídangiñe katei le gáritimabei lidan ibagari. Ka hasaminarubei luagu katei le? [Ígira humá lun lóunabun gürigia.] Saragu wádangiñe, ibihaadiwa dǘgüdaguaü lídangiñe le tariñagubei Bíbülia ya [aliiha huméi Isaíasi 25:8]. Tafuranguagüdüñein garüdia to füramasei le ladügübei Bungiu libügürü lagumuchuba lan lau óunweni ani láguyuguagüdübaña lan waduheñu ha hilaañabaña.”

¡Despertad! Eneru

“Uguñe weyu, hagagibudaguña familia luma saragu turobuli le meha masuseredunñahagili. Según hisaminan, ka katei hemegeirubei iduheñu lun lidan hamá aban buidu ligíame hanaagun houngua? [Ígira humá lun lóunabun gürigia.] Ariha huméi ka lan tariñagubei Bíbülia tidan liliburun Ariñawagúni libügürü ka lan mégeiwabei lun libihíniwa lira [aliiha huméi Ariñawagúni 24:3]. Ariha hamaali saragu gürigia dariwa lan adundehani buiti tidan Bíbülia. Adimurehatu garüdia to luagu aban páhina lidan Internet le buinbei lau saragu ariñahani tídangiñeti Bíbülia luma katei huuti houn sun lílana familia le uágubei mafayeihanbadün lan ni kata.”