Le gayarabei wariñaguni tuagu garüdia

Gumese wamá aturiahani tídangiñe Bíbülia lidan furumiñeti samudi lidan unsu-hati

“Dan le lounwen aban waduhe genegeti woun siñá wabéi lan igarigu ligía awanda. Afiñetün san anihein lan emenigini houn waduheñu ha hilaguañabaña?” Ígira humá lun hóunabun gürigia ani arufuda humá aban líburu Kátima san lun. Aliiha humá ani ayanuha humá luagu aban lídangiñe abahüdaguni burí le lídanbei páhina 69 le ñein lubéi líchiga Bungiu emenigini luagu águyuguni. Ariñaga humá hagiribuduba lan lun hasigirun ayanuha luagu tema ligía.

Garüdia Atalaya 1 lidan unsu-hati

“Nidiheritiña saragu gürigia luagu liwiye igaburi le arihíbei hadan burí gumadimatiña luma burí tidan kónpeni. Afiñetün san gayara lan ladügǘn somu katei lun laransehóun turóbuli le? [Ígira humá lun hóunabun gürigia.] Ariha huméi le lunbei ladügüni Hesusu hawagu ha asufurirubaña ladüga marichaü [aliiha huméi Sálumu 72:12-14]. Ariñaga tumuti garüdia to ida luba lan lagumuchún lau liwiye igaburi yarafa madise.

¡Despertad! Unsu-hati

“Wabisidahañanu gürigia keisi aban eseriwiduni lun wageira. Ma inarüni gibe hamá familia ábanrügüñein hádangiñe hagübürigu hama? Afiñetün san hénrengutima lan katei houn familia burí ha? [Ígira humá lun hóunabun gürigia.] Anihein adundehani tidan Bíbülia le íderagubaliña agübürigu [aliiha huméi 2 Timotéu 3:16]. Rutu garüdia to fiú adundehani lun tíderaguniña agübürigu ha agüriahabaliña hasaanigu hábugua lun gayara lan hagunfulirun lau dasi hénrenguti le.”