Le gayarabei wariñaguni tuagu garüdia

Lun lagumeserún aturiahani tídangiñeti Bíbülia lidan furumiñeti samudi lidan unsu-hati

“Saminatün san gúndaatima hamá gürigia ha áfaagubaña lun gaganbadi hamá lun Bungiu? [Ígira humá lun lóunabun.] Arufudati arütíkulu le fiú puntu buiti.” Arufuda humoun garüdia La Atalaya to lánina 1 lidan unsu-hati, ábameti hakutihani ariñahani le lábugiñebei aban lídangiñe subtítulu le lídanbei páhina 16 luma 17, aliiha hugíame íbini aban bérusu le lídanbei ariñahani ligía. Ígira humoun garüdia anhein busén lubarun gürigia, ani adüga humá aransehani lun hagiribudun lun hakutihan amu álügüdahani.

Garüdia Atalaya 1 lidan unsu-hati

“Añahein saminatiña luagu sügühali lan ligaburi tarihini Bíbülia agamariduni lídangiñe moda ani wéiri lan lanarime teweridihan luagu. Amu gürigia masaminaruntiña ítara. Agia huguya, ka hisaminanbei? [Ígira humá lun lóunabun.] Arufudati bérusu le halíagiñe lan liabin gumadi burí le tídanbei Bíbülia [aliiha huméi 2 Timotéu 3:16]. Tidan garüdia to, hadarirubei óunabagülei le tíchugubei Bíbülia lun diisi álügüdahani kamaniti luagu agamariduni, hafurendeirúba giñe ida liña lan lanügün gumadi burí le tídanbei buiti woun.”

¡Despertad! Unsu-hati

“Dan le waríaguni sun katei le geyegubei wau, lau sun taruman wanigi, ka gayarabei wasaminaruni? Anihein lan Adügüti, o saliguarügü lan lábugua? [Ígira humá lun lóunabun.] Ariha huméi le lariñagubei aban abürühati Bíbülia luagu katei le [aliiha huméi Rómana 1:20]. Afuranguagüda tumuti garüdia to, ida liña lan líderaguniwa fiú iseri katei le lasubudirubei wügüri tuagu hani gürigia sélula lun buídutima lan gunfuranda wamani katei le.”