Le gayaraabei wariñaguni tuagu garüdia

Gumese wamá aturiahani tídangiñe Bíbülia furumiñeti samudi lidan unsu-hati

“Ariha huméi álügüdahani súdiniti le adügǘbei ya. [Aliiha huméi furumiñeti álügüdahani le tanagangiñebei Garüdia Atalaya to lánina 1 lidan unsu-hati lun.] Ka hisaminanbei luagun? [Aliiha huméi biángubei párafu le lábugiñebei álügüdahani ligía ani aliiha humá íbini ábanrügü lídangiñe bérusu le ñeinbei.] Hínsiñeti hamuga nun nagiribudun amu weyu lun wadimurehan luagu lébuna láguyuguagüdün Hesukrístu fiu gürigia luma ida liña lan lahuudun lira woun.”

Garüdia Atalaya 1 lidan unsu-hati

“Álügüdaguaadün san hungua ka lau uagu lasusereda saragu katei wuribati ubouagu? [Ígira humá lun lóunabun gürigia.] Hínsiñeti hamuga nun narufuduni le tariñagubei Bíbülia hun. [Aliiha huméi Arufudúni 12:9.] Gama lumoun, ruti bérusu 12 emenigini woun. [Aliiha huméi Arufudúni 12:12.] Arufudati bérusu le málühali lan lubafu Satanási agidarúa ubouagugiñe. Lidan arütíkulu le, le gíribei ‘Lunti san wanufudedun luéi Mafia?’, afuranguagüdawati woun ida luba lan wóunigiragun woungua luéi uguñe weyu luma kaba lan asusereda lun yarafa madise. Níchigaaru garüdia to hun.”

¡Despertad! Unsu-hati

“Sun wagía busentiwa gunda lan wabagari, gama lumoun, le linarün katei, gíbetiña gürigia magundantiña. Kaba funa san íderaguawa lun gunda wamá? Ka hisaminanbei? [Ígira humá lun lóunabun gürigia.] Ariha naali nungua gayara lan tíderaguniwa Bíbülia lun gunda wamá. Ariha humá aban hénpulu. [Aliiha huméi Ebüréu 13:5.] Afuranguagüdatu garüdia to gádürü lídangiñe katei le uágubei tariñaga Bíbülia barǘ lan ugundani.”