Awisahani

◼ Agumeiraguagüdüni to lunboun lapurichihóun tau lidan Nefu-hati luma diisi-hati: Garüdia Awisahatu o aban tídangiñe tratadu burí to: Ida liña san harihinu Bíbülia?, Ka hemegeirubei familia lun gunda lan habagari? o Katei san Larúeihan Bungiu? Unsu-hati luma duusu-hati: Kátima san tarufudahabei Bíbülia? o aban tídangiñe tratadu burí to: Ka hisaminanbei luagun dan le lunbei liabin?, Katei san Larúeihan Bungiu? o Lachülürüba san dan lun masufurirun wamá?

◼ Lídanba dimaasu le lánina 28 lidan ǘrüwa-hati lichugúa yanu espechaliti le lunbei lichugún lidan lidaani Aritaguagülei irumu 2016. Lasubudiragüdǘwaba liri yanu le líteme. Anhein lídanbaña lubéi adamurini lílana damuriguaü o labisidahabaña lan óunigiruti sirkuitu dimaasu ligía, lunti lichugún yanu espechaliti aban dimaasu lárigiñe. Moun lumuti lichugún yanu le lidan ni aban damuriguaü lubaragiñe 28 lidan ǘrüwa-hati.