Le gayaraabei wariñaguni tuagu garüdia

Garüdia Awisahatu Nefu-hati-diisi-hati

“Ma inarüni lounwen lan somu waduhe o wamada ábanbei lídangiñe sügǘ le gáritimabei woun lidan wabagari? [Ígira humá lun lóunabun gürigia.] Ariha huméi füramasei gíchigaditi dǘgüdaguaü le ladügübei Bungiu woun. [Aliiha huméi Arufudúni 21:3, 4.] Rutu Bíbülia emenigini woun luagu lachülürüba lan dan lunya habagaridun waduheñu hama wamadagu ha hilaguaañabaña. Afuranguagüda tumuti garüdia to ka lan uagu gayara lubéi wachoururuni lagunfuliruba lan füramasei le.”

Tratadu

Lárigiñe wabusuragun lun gürigia, ariñaga waméi lun ka lan wiri: 1) Arufuda waméi álügüdahani le luágubei tidáü tratadu lun le gayaraabei lounabún lidan ámuñegueinarügü manera, ábameti wamuriahan luma lun lariñaguni ka lan lasaminarubei. 2) Dará humóun tratadu lun hayanuhan luagu fánreinti le gíribei “Le tariñagubei Bíbülia”. Ábameti haliihani bérusu tídangiñe guánarügü Bíbülia, ánheinti gayara lubéi ani gadaaniti gürigia, akutiha huméi subtítulu le gíribei “Ida liña líderaguniwa wasubudiruni katei le?”. 3) Derege humóun tratadu lun ani amisuraha huméi lun laliirunu danme le gadaani lan. 4) Lubaragiñe hidin, arufuda huméi álügüdahani burí le lídanbei lagumuhóun páhina le lábugiñebei subtítulu “Álügüdagua humá hungua” lun ani ariñaga humá lun hagiribudayaba lan akutihei óunabagülei le tíchugubei Bíbülia.