Ñunsu luagu apurichihani

Gúndaabadün lau hasubudiruni adügǘwaaru lan 49 Leskuela houn Apurichihatiña Larúeihan Bungiu lidan 36 ámuñegueinarügü fulasu lidan sun ageiraü le aubei tariha sukursáli to Lamidanboun Meriga lidan irumu 2015. Lumoun dan le, eresibihaaña hóugiñe 1,100 íbirigu tídangiñe leskuela to ani ounahóuwaaña eseriwida lidoun kéiburi 600 damuriguaü le ñein lubéi mégeiwa hamá apurichihatiña. Amisuraha wamutiña sun ha agunfulirubaña lau sun le mégeiwabei ani busentiña houdin tidan leskuela to lun habuinchagüdün gárada amisurahóua hamaamuga. Chóuruti lúmagiñe lan Heowá liabin arufudahani le buídutimabei (Isa. 54:13).