Le gayaraabei wariñaguni tuagu garüdia

Garüdia Awisahatu Unsu-hati-duusu-hati

“Wabisidahañanu sun besinagu lun warufudunu Garüdia Awisahatu to houn. [Arufuda huméi arütíkulu le lídanbei páhina 9 lun gürigia.] Gíbetiña gürigia asaminarutiña leferidirúniwa lan dan afurieiduni, ua lan aganbuti. Añahein amu, afiñetiña aganba lani Bungiu furíei. Agia huguya, ka hisaminanbei? [Ígira humá lun lóunabun gürigia.] Ariha huméi le tariñagubei Bíbülia luagu furíei. [Aliiha huméi Isaíasi 30:19.] Chóurugüda tumuti garüdia to woun aganba lani Bungiu furíei le adügǘbei keisi lubudubu ani luagu resun buiti.”

Kátima san

“Súngubei wagía busentiwa lun gunda lan wabagari hama waduheñu, adián? [Ígira humá lun lóunabun gürigia.] Ayanuhatu Bíbülia luagu aban katei le gayaraabei lídehan lun ñein lan ugundani haganagua waduheñu: wáyeihani línsiñehabu Bungiu.” Aliiha huméi Éfesuna 5:1, 2 luma párafu 4 le lídanbei páhina 135.