Le gayaraabei wariñaguni tuagu garüdia

Gumese wamá aturiahani tídangiñe Bíbülia furumiñeti samudi lidan duusu-hati

“Wabisihañadün murusun oura lun wíchugun aban ídemuei hounti iduheñu hun. Gíbetiña agübürigu busentiña lun hafurendeirun hasaanigu luagu Bungiu lun línsiñedun houn. Saminatün san gayara lan híderaguniña agübürigu hasaanigu lun línsiñedun Bungiu houn, o mosu isaaniguba lan afurendeirei katei le houngua?” Ígira humá lun lóunabun gürigia. Ábameti harufuduni arütíkulu le tanagangiñebei Garüdia Atalaya to lánina 1 lidan duusu-hati lun aliiha humeime ariñahani le lábugiñebei furumiñeti álügüdahani luma ani aliiha humá íbini ábanrügü lídangiñe bérusu le ñeinbei. Ígira humóun garüdia lun ani ariñaga humá hagiribuduba lan lun hakutihani álügüdahani le asigirubei.

Garüdia Atalaya 1 lidan duusu-hati

“Bisida wamutiña gürigia lun wayanuhan hama luagu Bungiu. Ariha wamaali ámuñegueinarügü lan lisaminan kada aban hádangiñe luagu, ida liña harihin lun? Ariha hamuti funa san hiibe-agei gürigia Bungiu kei aban umadaü le bereseti wau o ariha hamuti kéirügü aban erei? [Ígira humá lun lóunabun gürigia.] Arufuda tumuti Bíbülia ka lan luwuyeri umadaguaü labusenrubei Bungiu wadügüni luma. [Aliiha huméi Santiagu 4:8a.] Afuranguagüdatu garüdia to ǘrüwa katei le gayaraabei wadügüni lun wayarafadun lun Bungiu.”

¡Despertad! Duusu-hati

“Wayanuhaña murusunraü hama gürigia luagu aban sandi le adiheridagüdübaliña saragu. Según Organización Mundial de la Salud, ñeinbei aban hádangiñe kada gádürü gürigia áfaguti somu lisandi ichügü lidan libagari, kéiburi le lánina lueirin íruni. Afiñetün san kamanitimahali lan lisandi ichügü eibu lásügürün dan? [Ígira humá lun lóunabun gürigia.] Füramasetu Bíbülia woun lachülürüba lan dan lun lúadun sandi luma igarigu ámuñegü. [Aliiha huméi Arufudúni 21:3, 4.] Afuranguagüdatu garüdia to fiu katei le lunbei hasubudiruni sun gürigia libügürü lisandi ichügü.”