Íderagua humaña hiduheñu aritagua luagun Heowá

Óunaha lumuti Heowá Heremíasi eweridiraña huríu luagu hagünrinchawaguba lan ladüga habulieidagun luéi Habungiute Heowá (Her 13:25). Ida liña san lanarimebei lagadeirun hamadagua ísüraelina luma Bungiu ítara? Móunigirun hamaali meha iduheñu ísüraelina hamadagua luma Heowá. Genegeti híchuguña lan meha agübürigu mebereseni lun gumadi lúmagiñeti Bungiu le lídanbei 2 Lúrudu 6:5-7.

Uguñe weyu, iduheñu ha héreti hafiñen íchugubaña iderebugu lun damuriguaü. Gayaraati háhuduragun agübürigu lun Bungiu hama tílana haban sagü dimaasu íderagua hamaamugaña aritagua luagun Heowá (Sal 22:27). Lárigiñe harihini bidéu Estas palabras tienen que estar en tu corazón: Entrevistas a familias, óunaba huméi álügüdahani burí le:

• Ka hadügübei fiu iduheñu lun ua lan eberesehati háhuduragun lun Bungiu úara?

• Ka burí afayeiruahaü resibi hamaalibei ladüga aturiaha hamá keisi iduheñu sagü dimaasu?

• Ka burí katei adügübei lun gürewei lan nun náhuduragun lun Heowá úara hama niduheñu, ani ka nasaminarubei nadügün lun meberesehan lani waturiahan?