ARUFUDAHANI GEBEGITI TÍDANGIÑETI BÍBÜLIA | HEREMÍASI 51, 52
Gúnfuliti íbini lagumuhóun dimurei le lariñagubei Heowá
Macharati Heowá dan le lariñaguni lidan profesía kaba lan asusereda.
Achüühati gimara le hádangiñeti lúniri urúei pérüsiana
“Seti humóun gimara”
51:11, 28
Gǘhünetiña meha médiana hama pérüsiana dan le hachüühan gimara ani tebu meha gimara áruma tótima hayusuruboun. Sagá hamuti meha tígiri hagimaran buidu lúntima ménrengun lan táchourun.
“Rédeiha hageindagun lisudaranigu Babilónia”
51:30
Según Binadu ariñahani luáguti Nabonídu, “belutiña lisudaranigu Siru Babilónioun mawuribuhanga”. Úarati dimurei burí le luma le lariñagubei Heremíasi lidan profesía.
Binadu ariñahani luáguti Nabonídu
“Darime lun lerederun lárigirugu [Babilónia] kei ifei, [...] ábanbei fulasu le maganóunwati ñein”
51:37, 62
Aba meha agumucheina lan luéirigun Babilónia lúmagiñe irumu 539 lb.l.K., darí lun lagumuchagun sunsuinagubei. Busenti yebe meha Alehánduru le Wéirigubei líchuguni lálana larúeihan ñein, gama lumoun, hilati sódini. Aniheingua meha aban hageira huríu Babilónia lidan furumiñeti sígulu, ligía lídinbei apostolu Féduru ñein. Lúmounbei sígulu gádürü, günringuaali meha uburugu le ani günringuati sunsuinagubei lau lásügürün dan.