Wéiriti san hafiñen luagu lani Heowá füramasei?

Chóurugüda lumuti meha le lariñagubei Hosué luma Salomón mígirun lan Heowá ni aban lídangiñe füramasei le ladügübei magunfulirunga (Hos 23:14; 1 Uru 8:56). Ruti hererun bián gefentiña afiñewati hawagu ha iderebugu lun lébuna wafiñen (2 Ko 13:1; Titu 1:2).

Ida liña lagunfuliruni Heowá sun le füramase lubéi lidaaniwagu Hosué? Óundaragua humaña hiduheñu lun harihini bidéu le gíribei Ni una sola palabra ha fallado. Ábameti hakutihani álügüdahani burí le: 1) Ida luba háyeihani tafiñen Raabü? (Ebü 11:31; Sant 2:24-26). 2) Ida liña larufuduni lani Akán hénpulu wuriba lan hagumuchun ha maganbadibaña lun Heowá subudiga houn? 3) Lau sun meha gawuribuhadi hamá gabaónna, yeeda hamuti Hosué lun hebelurun lidoun darangilaü hama ísüraelina, ka uagu hadügei? 4) Ida liña lagunfulirun le lariñagubei Heowá dan le hóundaragunbei seingü urúeigu amoruna lun hageindagun hama ísüraelina? (Hos 10:5-14). 5) Ka adüga láalibei Heowá huagu dan le larihinün íchigei Larúeihan luma liricha lidan furumiñeti lúgaaru lidan hibagari? (Mat 6:33).

Dan le wararamagun asaminara luagun sun le adüga láalibei Heowá, le ladaagubei guentó luma le lunbei ladügüni ámuñegü, ábatima lederebugudun wafiñen luagu sun le füramase lubéi (Rom 8:31, 32).