Áyeiha waméi Kristu buidu

Súngubei wagía, lunti wáyeihani Hesusu dántima wagagibudagun luma óuchawaguni o éibaahouni (1 Fe 2:21-23). Mariñagunti meha Hesusu ni kata dan le hanabunbalin gürigia ni íbini dan le lasufuriruña lubéi (Mr 15:29-32). Ka íderagubalin awanda? Aranseñu liña meha lun ladügüni lugundan Heowá (Hn 6:38). Kei meha “subudi lani luagu lásurun lanme lasufurirun, lagundaaruba lan”, luagun meha lira líchigei lisaminan (Ebü 12:2).

Ka wadügübei dan le hóuseruniwa amu wuriba luagu wafiñen? Mafayeihantiña kristiánugu inarünitiña “wuribani luagu wuribani” ni ka un (Rom 12:14, 17). Dan le wáyeihani ligaburi lawanduni Kristu asufuriruni, gúndaatiwa ladüga gunda lan Bungiu wau (Mt 5:10-12; 1 Fe 4:12-14).

ARIHA HUMÉI BIDÉU SÚDINITIMATI LIRI HEOWÁ, LÁRIGIÑE, ÁBAME HÓUNABUNI ÁLÜGÜDAHANI BURÍ LE:

• Ka tadügübei íbiri Poetzinger lun tayusuruni tidaani buidu dan meha le furisunruguñoun lubéi ani tábuguarügüñoun meha lidan fulasu le ñein lubéi tichugúa?

• Ka burí sügǘ híruti lawinwandubei íbiri Martin tuma Gertrud Poetzinger lidan fulasu le hayusurubei nasi lun hadaürüniña gürigia?

• Ka íderagubaliña awanda?