Arufuda lumuti wínsiñehabu kristiánugu wamá ha inarünitiña: Mámarügüla wawouguounrügü wasaminara, magañidun wagíame lau lóufudagun

KA UAGU SÚDINI LUBÉI? Ariñagati meha Hesusu ínsiñeniba lan arufudei kátaña lan kristiánugubaña ha inarünitiña (Hn 13:34, 35). Lun warufudun aban ínsiñeni kei le larufudubei Kristu, mosu warufudun berese wamá hau gürigia ani magañida wamá lau lóufudagun (1 Ko 13:5).

LE LUNBEI LADÜGǗNIWA:

• Wakutihani ka lan lébunabei turobuli samina wagíame luagu le gayaraabei lasuseredun ánhawa márügüdagun woungua dan le lariñagun o ladügün somu gürigia aban katei le mínsiñeti woun (Ari 19:11).

• Waritaguni gafigoun wamá súngubei ani anihein lan dan wasakürihan lárigiñe wariñagun o wadügün somu katei.

• Waransehani turobuli lau lóufudagun.

ARIHA HUMÉI BIDÉU HÍNSIÑEGUA WAMÁ WÁMAGUA: LE HÍNSIÑEHABUBEI MÁMARÜGÜÑEIN LUOUGUOUN LARITAGUA ANI MAGAÑIDUNTI, ÁBAMETI HÓUNABUNI ÁLÜGÜDAHANI BURÍ LE:

• Ka uagu gayara lubéi lariñawagún hanarime lan ligaburi lóunabun Daniel?

• Ka uagu gayara lubéi lariñawagún ídeha lan lararamagun Tomasi asaminara lubaragiñe layanuhan lun masigenehan hamá?

• Ka uagu gayara lubéi lariñawagún ídeha lan ligaburi lóunabun Tomasi lun darangilu lan sun katei?