Arufuda lumuti wínsiñehabu kristiánugu wamá ha inarünitiña: Góunigi waméi úarani le wádanbei

KA UAGU SÚDINI LUBÉI? Guñoun le lubaragiñebei lounwen Hesusu, amuriahati luma Lúguchi lun lídanmeme hamá aban lani disipulugu sunsuinagubei (Hn 17:23). Lun lidan wamá aban, mosu hínsiñegua wamá wámagua ani moun lumuti wáguyugüdün “wuribani luagu wuribani” (1 Ko 13:5).

LE LUNBEI LADÜGǗNIWA:

• Warihini le buídubei hawagu amu, ítara kei ladügüni Heowá.

• Feruduna wamá.

• Waransehani katei wámagua, masigirun wagíame ayanuha luagu turobuli (Ari 17:9).

ARIHA HUMÉI BIDÉU HÍNSIÑEGUA WAMÁ WÁMAGUA: LE HÍNSIÑEHABUBEI MÁGUYUGÜDÜNTI WURIBANI LUAGU WURIBANI, ÁBAMETI HÓUNABUNI ÁLÜGÜDAHANI BURÍ LE:

• Ka uagu gayara lubéi wariñagun areidaha tan Elena igarihabu tidan tanigi?

• Ka tadügübei Elena lun tagidaruni saminaü wuribati tuáriua?

• Ida liña tídehan Elena lun ñein lan úarani lidan damuriguaü?