Aban iseri bidéu lun lagumeserúniwa aturiahani tídangiñeti Bíbülia
Gíbeeña gürigia arihiti liraüraü bidéu le gíribei Ka uagu lunti lubéi haturiahanu Bíbülia? lidan páhina lidan Internet jw.org. Lun línchahaniña gürigia lun hánharun heresibirun aturiahani tídangiñeti Bíbülia mafayeihanga ladügǘwa. Lun harihini bidéu le adüga humá klikü ñein lubéi bürüwañu lan anúadira huméi “Amuriaha humá aban aturiahani tídangiñeti Bíbülia” o ésükanearü huméi kódigu QR (kódigu lun larihíniwa furese) le ñǘbuinbei lidan lagumuhóun páhina le tídanbei iseri burí tratadu. Ariha wamá fiu manera le ídanbei gayara lan wayusuruni:
Danme wagiribudun bisidaña gürigia, gayarati wariñagun: “Busentün narufudun aban liraüraü bidéu hun le óunabubalin álügüdahani burí le wadügübei wóuniwagua tuagu Bíbülia?”. Anhein ánhara gürigia, arufuda huméi bidéu lun tídangiñe hani o lani konputadora o gágamuru.
Ánhawa ederegera aban tratadu lun somu gürigia dan le wapurichihan lidan guririguaü o lidan amu burí ókaasion, gayarati warufuduni kódigu QR le tuágubei tratadu tuguya lun amisuraha wameime lun ésükanearü lani lau ligagamurun. O gayarati warufuduni bidéu lun ouraméme ligía lídangiñe wagagamurun o tídangiñe wakonputadoran, lugundun lidan saragu iñeñein óunahati kódigu ligía sügülügü lidoun bidéu lidan Internet.
Gayarati giñe wadimurehan luagu bidéu houn wapanaagu lidan wadagimanu o leskuelarugu, houn waduheñu, luma houn amu wasubudiragun o warufuduni houn. Gayarati giñe wóunahan aban koréu lídangiñe Internet houn lau kódigu le óunahabei lidoun bidéu ani amisuraha wamañame lun harihini houngua.
Anhein wayusura iseri ídemuei le, gayarabei wagumeserun aturiahani tídangiñeti Bíbülia hama amu gürigia íderagua wamaamugaña sun ha “lúntiñabaña ibagari le magumuchaditi” (Adü. 13:48).