Lagagibudagun iseri damuriguaü kristiánu luma lénrengunga

6:1-7; 7:58–8:1

Lau sun meha sun liña lan habadiseirun, houserúña meha würiña güriegu hilaaña úmarigu ha achawaraguagüdübalin dan le haubei Herusalén wuriba. Adügati san marichaü ligía lun hachugeragun o agurabahatiña lau gurasu lun laransehani Heowá katei?

Dan le lachamurawagunbei dübü luagun Esütéban darí háfaruni hilagubei, gumesewa hagía kristiánugu ha Herusalénbaña éibaahoua lau furundei, aba hawaraüdagun saragu hádangiñe lumúanrugu Hudéa luma Samaria. Adügati san lira lun hígiruni hapurichihan lau ubebeni?

Lau lídehan Heowá, awanda hamuti lílana iseri damuriguaü lénrengunga ligía ani sigitiña aganwounda luma árügüda erei (Adü 6:7; 8:4).

ÁLÜGÜDAGUA HUMÁ HUNGUA: “Ka nadügübei dan le nagagibudagun luma lénrengunga?”.