Sigí wamá agurabaha lau gurasu

Átirihali dan wau agurabahei liabin Larúeihan Bungiu? Wawanduña san lau gurasu íbini wagagibudagun luma lénrengunga? (Rom 8:25). Añahein kristiánugu ha agagibudagubaña luma iyereehabúni, houserúniwa wuriba, adaürǘni o íbini lariñawagún houn hafarúba lan hilagubei. Gíbetiña asufurirutiña ladüga somu sandi le máraninati o ladüga aweiyaduni.

Ka lunbei wadügüni lun wasigirun agurabaha luma awanda meberesenga le asusereduti? Mosu wéredagüdüni wafiñen lau waliihanu Bíbülia sagü weyu, wararamagun asaminara luagu le waliihabei tidan, ru wameime wasaminan luagu le lunbei wibihini ámuñegü (2 Ko 4:16-18; Ebü 12:2). Mosu giñe wayumuragun lun Heowá lun layusuruni lani sífiri sandu lun líchugun erei woun (Lk 11:10, 13; Ebü 5:7). Líchuguba Wáguchi le hínsiñehabubei ubafu woun lun gayara lan wawanduni sun katei lau saragu gurasu luma ugundani (Kol 1:11).

ARIHA HUMÉI BIDÉU LUNTI WAWANDUN LIDAN ÉIBAAGUNI: AFIÑE WAMÁ LUAGU WIBIHIBEI LAN AFAYEIRUAHAÜ, LÁRIGIÑE, ÁBAME HÓUNABUNI ÁLÜGÜDAHANI BURÍ LE:

• 

  Ka katei magurabúnti gayaraabei lasuseredun woun? (Apu 9:11, TNM).

• 

  Ida liña líderaguniwa ayumuraguni lun wagagibudagun luma lénrengunga?

• 

  Anhein siñaali lubéi wadügün saragu lidan weseriwidun lun Heowá kei meha, ka uagu lunti lubéi wetenirun lun le gayaraabei wadügüni?

• 

  Ka íderagubalün lun hasigirun afiñera hibihubei lan afayeiruahaü?