WABAGARI KEISI KRISTIÁNUGU
Íderagua lumutiwa Heowá awandei lénrengunga
Sun wagía wásügürüña lídangiñe lénrengunga lidan lagumuhóun dan le. Anihein dan gayara lan wasandirun kamá siñá woun. Lau sun lira, ánhawa asigira áluahei lídehan Heowá, gayaraabei wawanduni íbini sügǘ le hénrengutimabei (Isa 43:2, 4). Anhein hásügürüña lubéi lídangiñe somu lénrengunga, kaba íderaguaün lun hayarafadun lun Heowá?
Furíei. Anhein wabahüdaha sun le wasandirubei lun Heowá, líchugubei darangilaü luma erei le wemegeirubei woun lun wawandun (Fili 4:6, 7; 1 Te 5:17).
Adamuridaguni. Uguñe weyu sügǘ lau lidan amu dan, megei wamuti adundehani le tídanbei Lererun Bungiu luma dǘgüdaguaü le weresibirubei hámagiñe wábirigu lidan damuriguaü (Ebü 10:24, 25). Dan le waranserun buidu lubá adamuridaguni, wachülürün lidoun ani gafanran wagía lidan, sagá wamuti sun buiti le wayaraati lídangiñe ídemuei le líchugubei lani Heowá sífiri sandu (Aruf 2:29).
Apurichihani. Anhein wadüga sun wayaraati lun bereseguñu wamá lidan wani ministeriu, ménrengubei woun lun wetenirun lun katei buiti le asuseredubei. Lanwoun lira, ábatima lederebugudun wamadagua luma Heowá luma hama wábirigu lugundun wídehaña hama (1 Ko 3:5-10).
LÁRIGIÑE HARIHINI BIDÉU LÓUBURUBADIBU HEOWÁ, ÓUNABA HUMÉI ÁLÜGÜDAHANI BURÍ LE:
Ka burí katei íderagubarun Malu lun terederun yarafa lun Heowá?
Ítara kei Malu, ida liña líchugun Sálumu 34:18 gurasu woun?
Ida liña larufuduni le tásügürübei Malu gayara lan líchugun Heowá “óunwenbu ubafu” woun dan le wásügürün lídangiñe lénrengunga? (2 Ko 4:7).