Günringua humaña búngiugu terenchana ha húmabaña

Lau sun meha úagili lan lúrudu luáguti láhudurawagun houn guáriua, subudi lumuti meha Hakobu Heowarügüñein lan garicha lun láhudurawagun lun (Afu 20:3-5). Ligía dan le lubéi lamuriahanbei Heowá luma Hakobu lun lagiribudun uburugun Beteli, aba lariñagun houn liduheñu luma houn sun ha lúmabaña lun hasagaruniña sun guáriua ha hámabaña. Ábati lábununiña Hakobu sun guáriua hagía, buná lumutu giñe arigeilaü to meha genegebei yusu hamanu keisi lúyawa uraü (Agu 35:1-4). Chóuruti gunda lan Heowá lau le ladügübei Hakobu.

Agia uguñe weyu, ka lunbei wadügüni lun wáhuduragun lúnrügü Heowá? Furumiñe, mosu díseñu wamá luéi láhudurawagun houn guáriua luma luéi furumiñeguarügü katei le hámagiñeti máfianu. Mini lan le mosu lan wachagaruni sun umegeguni le lánina katei aramudaguati le wámati, akutiha wameime ka lan wadügübei o warihibei lidan wisebáhari. Kei hénpulu, álügüdagua humá hungua: “Aliihatina san líburu o aríaguatina pelikula le ñein lubéi háfuacha gürigia ha achuuhabaña hitaü, sonbi o katei líbeina lira? Sügütina san dan aríagua katei le genegeti buidu lan ani gaganati abiñarahani?”. Mosu díseñu wamá luéi sun katei le iyereegubei lun Heowá (Sal 97:10).

LÁRIGIÑE HARIHINI BIDÉU “GAGIBUGUA HUMÁ LUMA MAFIA”, ÓUNABA HUMÉI ÁLÜGÜDAHANI BURÍ LE:

• 

  Ka turobuli úmabei tagagibudagua aban aturiahatu Bíbülia gíritu Palesa?

• 

  Ka uagu buidu lubéi lun wayanuhan hama wéiyaaña lidan afiñeni anhein gaturobulin wabéi luma katei hánina máfianu o abiñarahani?

• 

  Ka lunbei wadügüni anhein busén wabéi lóunigiruniwa Heowá?

• Ka katei súdiniti tanúadirubei Palesa?

• Ka gayaraabei hadügüni lun hadisedun luéi katei hánina máfianu lidan fulasu le ñein lubéi hawinwanda?