Ariha hamuti san ligaburi lóunabuni Heowá wafurieidun?

Buíntiña Bíbülia lau furíei le lóunabubei Heowá. Aban meha léredun hafiñen lubúeingu Bungiu dan le harihini berese lan Bungiu hau ani íderagua laaña. Ligía buidu lubéi lun furangu wamá lidan wafurieidun ani aranseñu wagíame lun warihini ida liña lan lóunabuniwa Heowá. Lunti gabaroun wamani gayara lan lóunabuniwa Heowá lidan aban igaburi le magurabun wabéi luma lun ladügün lóugiñe le wamuriahabei luma (2 Ko 12:7-9; Efe 3:20). Ariha wamá fiu igaburi le ídanbei lóunabei Heowá wafurieidun.

• Adügati lun buidu lan wasandiragun woungua luma lun héreñu lan wamadagua luma dan le wagagibudagun luma turobuli (Fili 4:13).

• Ruti lichú aau lun gayara lan wanúadirun buidu (Snt 1:5).

• Ru lumuti lubuidun aritaguni woun ani íderagua lumutiwa lun wadügüni katei kei labusenruni (Fili 2:13).

• Ruti darangilaü woun anhein weiri lubéi wadiheri (Fili 4:6, 7).

• Yusu lumutiña amu lun híderaguniwa luma lun híchugun dǘgüdaguaü woun (1 Hn 3:17, 18).

• Ruti ídemuei houn ha uágubaña wafurieida (Adü 12:5, 11).

LÁRIGIÑE HARIHINI BIDÉU AGANBA LUMUTI HEOWÁ AFURIEIDUNI, ÓUNABA HUMÉI ÁLÜGÜDAHANI BURÍ LE:

• Ida liña líchugun gurasu houn ha sanditiña abahüdaguni luáguti libagari íbiri Shimizu?

• Ida luba wáyeihani lani íbiri Shimizu hénpulu?