Halíaba san wadarira adundehani le gayaraati wafiñerun luagu uguñe weyu?
Kei asansireina liña lubéi ubóu estodi, ida luba wasubudiruni lanügüba lan le wanúadirubei buiti woun? Ida luba wachoururuni masansirúbei lan le arihúbei kei buiti uguñe kei katei wuribati ámuñegü?
Íderagua tumutiwa Bíbülia anúadira buidu lun maweiyasun wamá asaküriha lárigiñe. Ka uagu? Lugundun aban tan idewesei lúmagiñetu Bungiu le Adügübaliwa, ani subudi lumuti buidu buidu le wemegeirubei lúntima gunda wamá luma lun chóuruñu lan wasandiragun woungua.
“Arufuda laali Bungiu le buídubei bun”(Mikeasi 6:8).
Gayaraati wafiñerun luagu lubuidun adundehani le tídanbei Bíbülia. “Ladüga derebuguti lugumadin [Bungiu] darí lumoun leben dan” (Sálumu 111:8).
Hínsiñeti hamuga san hun hafurendeirun ida luba lan tíderagunün Bíbülia lidan aban ubóu le asansireinabei?